شرح الخطه العالمية (GoWiPe)

شرح الخطه العالمية (GoWiPe)

خطه مهمممممممممممممممممممممه جدا جدا لكل عشاق كلاش او كلانس كلنا طبعا شوفنا فيديوهات اليوتيوب اللى مغرقه النت و كلنا بنشوف الاختصار ده GoWiPe كتير جدا انهارده هنشرحلكم الاختصار ده كااااااااااااااااااامل و باختصار شديد عشان الكل يفهم

************************************

ندخل على الشرح :)


الهجمه دى مكونة من 3 عناصر اساسيه جدا وهى ( الجولم - الويزارد - البيكا ) و دى بتبدأ من المسوى تاون رقم 8 عشان تقدر تستخدم ال3 ويفضل طبعا اكيد انك تكون مطور ال3 جنود دول 

فى ناس هتقول طيب ما احنا نستخدم بدل الجولم  عمالقة ؟؟

 - اقولك انا بقا مينفعش ليه يا باشا هقولك

الجولم 

لما بيموت بيتجول لكذا جولم صغير 

الجولم الصحه بتاعته 4000 فما فوق لما بيطور يعنى عيار تقيل يا باشا

الجولم بيعدى على اى فخ ولا كانه داس على دبوس

الجولم يعتبر الدبابه يعنى بتنزله  و بعديه علطول اى نوع جنود يكنس و ينضف قصاده يعنى الجولم يضرب و اللى واراه يضرب

دا اقل واجب و كل ما تطوره كل ما بيقى اشد

******************************************

نكمل دلوقتى عرفنا عناصر الهجمه الاساسيه و المشهوره جدا دلوقتى بقا ندخل على التنفيذ :)

اولا: مرحلة التجنيد / التعويذات

كالتالى 

 جولم = 2

بيكا = 3

ويزارد = 15 ويزاد ( أقل واجب لفل 5)

والبريكر = 10

أرشر = 5

دا فى حاله جيشك (220)
ولو (200) 
الغى الارشر و خلى الوالبريكر = 5 و الويزرد = 13

دا اللى انت هتجنده فى مبانى الجيش

ندخل بقا على التعويات

دى بقا بتبقى على ذوقك ازاى  .. ممكن

1 -  سرعه/غضب = 1   ---- هيلينج/صحه = 2  

2 -  سرعه/غضب = 2   ---- هيلنج/صحه = 1

كدا جيشك تمام بس استنى لسه مخلصناش - عندك قلعة القبيله او الكلان  لزم يبقى معاك دعم كالتالى:

لو المساحه 25

ويزارد = 6  --- بربريين = 1

لو المساحة 30

ويزارد = 7 --- بربريين = 2 --- منيون= 1

========================================================

ملاحظات مهمه

1- متهاجمش على تاون 10 لانب برج الليزر هيدمر الجولم بسهوله

2- خلى بالك من ابراج التسلا / الكهربا لانها بتوقف البيكا

=======================================================

الهجوم

الصور دى من هجمه لواحد اجنبى بالخطه العالمية GoWiPe

اولا : نزل الجولم بينهم مسافه اوعى تنزلهم جمب بعض ابدا و الا هيكون من السهل قتلهم 

بعد الجولم ما يبدا يستلم العلقه او الضرب مباشرة نزل الويزارد ينضف و يقتل الدفاعات اللى فى اول السور ي زعيم

بعد ضرب اول الدفاعات بالويزارد يجى دور البيكا و هجوم البيكاس تنزلهم مع بعض ال3
ومعاهم سرعه من اول السور

 بعد كدا يا زعيم نزل دعم الكلان / القلعه فى ضهرهم علطول و الكينج بتاعك ولو معاك الكويين دووووووووووووس

اتمنى ان الشرح يكون افادكم جميعا تحياتى

ونتمنالكم احلى 3 نجوم

2:01 ص